نص شعرى ما اروع اتمنى يعجبكم

أنا قبلك بلا معنى أنا قبلـك بقايـا إنسـان
مسافر مالقى ديرة تعوض عـن شقـا بيتـه

غريبة صرت في قلبك أنا قصة بـلا عنـوان
كتبت الشعر من قلبي بدم الجـرح خطيتـه

شكيت الحب على قلبي علامه حطّم الوجدان
سألت القلب متى ياقلب أشوفك صرت حبيّته

كثير قلوب من حولك وأخبرك تعشق النسيان
لقيت الحب في نبضك وشعورً صادق أبديتـه

لقيت الحب في قلبك زهورً تنبعـث ريحـان
سكنت الحب في روحك وباقي الناس خليته

أنا جيتك أدور فيك مايروي ظما العطشـان
لقيتك ظاميً قبلـي وظمـا قلبـي أرويتـه

حفظت الشوق في قلبي ووصيته على الكتمان
لقيت الشوق في قلبك على قلبـي وضميتـه

كتبت الشعر في وصفك قصايد كلها ألحـان
لجل أوصل حشا قلبك كـم مـرة تمنيتـه

أحبك كلمة معناهـا شعورًممتلـي أشجـان
أبي اكون ذاك اللـي باسـم قلبـك تبنيتـه

ابي عهد ووعد منـك توفـي بـلا نكـران
ووعد مني تكون اللي من أقصى القلب حبيته

أنا أسعد بشر عادي تولع في غـرام أنسـان
كتبت حبه على صدري وسط القلب ضميته

بسافر في بحر حبك وابيك تكون لـي ربـان
أموت ولا يخون قلبي ولو خانـك توطيّتـه

ابي أسكن وطن حبك ترا مليت هالأوطـان
ابيك تكون ذاك اللي قصيدة عشـق سميتـه