بس يا قلبي كفاية راح ولا تبكي عليه
وش يفيد الدمع يعني دام عنك مبتعد
لا تعيد ولا تصيح ولا تنادي ترتجيه
لا يشوف الضعف منك دام دونه مستبد
اترك اللي شاف نفسه واللي يشتريك اشتريه
والهوى لابد له من يوم يرجع يستجد
أدري انك تعشقه وادري انك تهتويه
وادري ان الطيب عندك عنده هو ماينوجد
وأدري انه في مطيحه انت وروحي تحتويه
وأدري انه أحلى قصة في كتابك تنسرد
وش تسوي دام خلك ما بغى اللي يبتغيه
وكل درب يوصلك له صار بيدينه يسد
ارضى ياقلبي بحالك وانسى ذاك اللي تبيه
وانتظر يومين تلقى عشق ثاني يستجد
وانتبه تخطي خطاك وترتمي كلك عليه
ثم تشوف الدمع يجري لما عنك يبتعد
2007-11-29, 11:29 am